豪宅建遊樂場!黃曉明砌滑梯鞦韆畀仔仔

20180108
東網電視
更多新聞短片
小海綿真係好幸福,有個咁錫佢嘅爸爸。

大陸藝人黃曉明與Angelababy婚後育有寶貝仔仔「小海綿」,計計數佢個仔都差唔多1歲,開始識行識走,而廿四孝老竇就喺豪宅砌咗個遊樂場畀仔仔,有小朋友最鍾意玩嘅滑梯同鞦韆,仲有個籃球框添,曉明將成個過程拍低,見佢又跪又瞓咁仔細檢查零件,最後再將裝飾用的貼紙黏上,大功告成後自豪地站在成品後拍照,一臉慈父嘅樣!

不過網友就錯重點,竟然發現黃曉明身穿嘅拖鞋上印有「LOVE」、「BABY」兩個字,網友都話佢真係名副其實嘅寵妻狂魔。而網友亦都發現到客廳牆邊的一組大櫃上,整齊擺了超過15罐的奶粉,兩公婆都為仔仔做足儲糧工夫。