7個月都冇害喜！李漫芬「三人行」留倩影

娛樂主播李漫芬（Fanny）現時懷孕7個幾月，近日仲同老公Alvin齊齊影大肚寫真，Fanny呢日喺社交網上載幾張花絮靚相，留言話：「今天和老公去影大肚照，謝謝bb全程乖乖沒令我不舒服。」睇相見到Fanny肥肚唔肥人，仲露出巨肚，而佢老公亦赤裸上身，展現Fit爆嘅body！

事後Fanny接受東網電話訪問，就好開心咁話：「佗得好舒服，一次都冇嘔過，小朋友喺影相嘅時候仲踢我。」佢仲話喺室內影，就算露肚皮都唔怕凍，講到老公赤膊上陣，佢就笑老公有專登操fit自己。