黐身又夠嗲！唐曉彤接手養「棄犬」

歌手唐曉彤（Kiko）的9歲貴婦狗「力力」原來有段坎坷身世：「佢畀我嘅小鄰居『棄養』，因為小鄰居貪新忘舊想買新『玩具』，於是我就帶力力返屋企，我仲記得佢被遺棄時，個樣真係好可憐。」她指「力力」毛色如朱古力一樣，因而命名，雖然是狗仔，但就好似朱古力般甜：「佢嗲嘅程度想像唔到。」而力力亦相當黐身，每當「救命恩人」Kiko在家時，牠就如「磁石」般跟到實，Kiko笑說：「力力全日都要我抱住，無論我用電腦、練琴、睇電影、玩手機，我一唔抱佢，佢就不停咁抓我。」而每日她出門返工時，力力會顯得依依不捨，更試過眼有淚光，她說：「睇到佢眼水汪汪，搞到我每次出門都有啲於心不忍。」

現時力力已經9歲，Kiko雖不知道愛犬還會陪伴她多久，但許下承諾：「我每日一有時間都會抱住佢、錫佢，氹佢開心。」她又指每次看見力力在懷中的「微笑」樣，就冧到爆：「嗰種開心，令我乜煩惱都忘記晒。」