養兵三年終於有樣睇　鄧智偉秘密武器登場

音樂才子鄧智偉旗下公司Unleash積極培育新一代歌手，先後推出小鮮肉李聰、靚聲少女Veegee以及曾攻入韓國的Shin（吳思佳），三人發展不俗，而今日，第四位成員Fae正式震撼登場，更是鄧智偉短期內最後一擊，他接受東網訪問時坦言：「Fae係我最先簽約的一位歌手，並秘密練兵三年，其實佢係我遇過最有音樂才華嘅歌手，我哋喺美國遇到佢，即時簽做藝人，訓練到最佳狀態先同大家見面，佢會係我哋最終極武器、最震撼嘅聲音。佢聲線同才華唔係用歌曲難度、高唔高音去量度，佢係可以唱到令我即時毛管戙。」

Fae從中開始就對聲樂甚有興趣，2015年於洛杉磯培訓時，受着世界知名聲樂教練Micah Plissner和Roger Love訓練，鄧智偉笑謂:「其實我真係好少讚人寫歌好，但我真係好讚賞佢嘅才華，佢識作歌，創作能力好高，佢會主攻慢歌，同之前公司藝人唔同。」

而Fae接受訪問時謂：「我終於出咗個人單曲，為了呢一日，我等咗三年喇！希望我哋嘅團隊可以為大家帶來更多新鮮及好嘅音樂。」