窮到燶住劏房!唐文龍靠阿廉接濟終捱出頭

20180111
東網電視
更多新聞短片
阿廉(左)好開心兄弟終於有啲成就!(資料圖片)

48歲的藝人唐文龍最近與陳敏之在無綫台慶劇《溏心風暴3》譜出不倫戀,當中不少情慾戲備受觀眾關注。捱足20幾年的文龍今天終於捱出頭,原來他當年由4千幾蚊人工做起,更住千八蚊租金的劏房,要食快餐慳錢度日。如今有出頭天,唐文龍亦不忘多謝當年一齊共患難的兄弟曹永廉經常請他吃飯。

曹永廉唔同兄弟計較

對於過往的拮据生活,其好友曹永廉亦是過來人。曹永廉接受東網訪問時,坦言對於唐文龍有今天的成績,戥他感到開心:「我哋係認識25年嘅兄弟,男人唔會計較咁多。(你經常畀錢請食飯?)邊個有錢咪邊個畀囉!我有時搵到多啲,咪請佢食幾百蚊嘅Pizza,搵唔到嗰陣,咪食幾十蚊嘅茶餐廳囉!依家見佢有成就,我都好戥佢開心!不過,做兄弟都會擔心佢,佢大上大落,但又唔會有儲蓄念頭,搵到錢時又使咗去。不過佢雖然慳食咋,佢對兄弟一啲都唔慳,知道我咩生肖就送個開運吊墜畀我,成萬幾蚊㗎,我都好好保存。」

唐文龍自喻「恐龍骨」

至於身在北京的唐文龍則表示:「已經係90年代嘅事,好多藝人都有經歷,亦好懷念以前拮魚蛋、唱K嘅生活。最近的確因為《溏心3》而熱化,多人留意我嘅嘢,我覺得好似自己係一副恐龍骨,最近畀人攞番出嚟考古咁,大家對我有好奇心!」談到阿廉的幫忙,問到如何報答對方?他說:「阿廉睇住我大,冇得報㗎喇!人哋話錢財債有得還,人情債一世都還不清!」

----------------------------
東網巨星開咗ig喇,大家快啲follow啦!
https://goo.gl/KGuo2N