勁得戚！陳豪乘機拉票爭視帝：畀我咪要囉
20180112
東網電視
更多新聞短片
咁好機會，陳豪當然要乘機拉拉票喇！
無綫台慶劇《誇世代》今晚大結局，一眾演員到馬鞍山出席宣傳活動，吸引數百市民圍觀，出席演員包括田蕊妮、陳豪、邵美琪、龔嘉欣（Katy）、吳業坤、麥明詩、陳嘉寶、胡鴻鈞及江美儀等，主角歐陽震華及李佳芯未有出席，張繼聰則因經理人公司老闆蕭定一與無綫的風波未解決而繼續被雪藏。
田蕊妮及陳豪孖住受訪，問到長達50集的劇集終於播完會否感到不捨？陳豪直言不捨：「拍都拍咗半年，大家拍得好開心，全部做晒好朋友！」阿田表示可惜Bobby及Ali未能出席，以她所知Bobby要返大陸做舞台劇。陳豪則為張繼聰不可出席而可惜：「佢想嚟但嚟唔到，但遲啲大家會相約食飯。」阿田指劇集演員活動數之不盡，踢爆監製陳維冠很喜歡搞飯局。
問到會否趁機為自己拉票爭視帝及視后？陳豪笑說：「有咩拉咩啦！（老婆陳茵媺好撐你喎！）太太眼中我點會輸？但睇吓有冇運，畀我就要囉！」阿田亦表示對視后寶座隨緣，但對自己一定要有信心，並最想劇集得最佳劇集獎。問睇好誰奪視帝？阿田說：「馬國明，我幾鍾意《降魔的》，咁陳豪當然冇得輸啦！」講到大結局陳豪要大肚，他笑說：「我老婆都生咗三個，我都試吓囉！男仔生仔Why Not？呢個結局係我拍劇以來最天馬行空，好多人知道後都有質疑，我就好欣賞，好有創意，肯跳出框框。」
----------------------------
東網巨星開咗ig喇，大家快啲follow啦！