雙喜臨門？朱孝天生日老婆晒凸肚相贈興
20180115
東網電視
更多新聞短片
恭喜定先！
台灣前組合F4成員朱孝天喺2016年同內地女星韓雯雯成婚，啱啱今日（15日）就係朱孝天嘅生日，老婆韓雯雯就喺網上發咗幾張相放閃晒恩愛，當中一張相明顯見到韓雯雯肚凸凸，唔少網民推測佢哋趁住朱孝天生日宣布佗B玩雙喜臨門！
朱孝天今個生日唔係同一班人出去慶祝，而係冒住天寒地凍去咗內地片場探老婆班，佢仲化身廚男煮番幾味畀老婆食，其中一張相見到未孝天等喺片場等到瞓着咗，見佢着住厚褸都凍到縮埋一舊好似好慘咁，自己生日都要就住老婆，呢啲真係好老公，難怪韓雯雯都忍唔住要放閃晒命，仲留言話：「你的生日，卻在寒冷的環境下陪我開工，辛苦你了老公～祝你生日快樂，2018心想事成！」雖然啲相真係閃到盲眼，不過都唔夠韓雯雯肚凸凸咁搶眼，唔少網民都留言話祝福佢哋生日加懷孕「雙喜臨門」。
----------------------------
東網巨星開咗ig喇，大家快啲follow啦！