有洋葱！鄧超王嘉爾「父子情」勁催淚
20180116
東網電視
更多新聞短片
鄧超同吳莫愁等人拍攝微電影。
每個人都有夢想，但究竟有幾多個人可以堅持到最後？近日內地藝人鄧超同吳莫愁等人拍攝微電影，飾演一對年老夫婦嘅佢哋喺戲裏面一早就已經收舖，煮定飯等仔仔王嘉爾返嚟食團年飯。點知等到六點開飯時間，王嘉爾連影都冇，搞到做老竇鄧超嬲爆爆！遲到大半個鐘嘅王嘉爾連Sorry都冇句，話係因為做嘢先搞到遲返，同鄧超嘈交兼投訴話鄧超根本唔明白佢！佢仲鬧鄧超只係個廚師，份人根本冇夢想。講到咁過火，兩父子梗係鬧大交收場，不歡而散啦！
就喺呢個時候，化身精靈嘅周冬雨帶王嘉爾回到過去，佢發現原來年輕時嘅鄧超同吳莫愁好熱愛跳舞。佢哋有一日孖住去參加跳舞比賽，仲贏咗死敵張一山！點知喺比賽過後，吳莫愁話自己有咗，仲話知道跳舞係鄧超嘅夢想所以唔想BB同自己成為鄧超嘅負擔。點知鄧超聽完之後即刻Man爆咁話：「以後你和孩子就是我的夢想。」睇到呢度唔止王嘉爾眼濕濕，連網友都話好洋葱！
鏡頭一轉，王嘉爾返到去現實嘅時候又見到周冬雨，不過周冬雨今次唔係精靈，而係死敵張一山個女！原來周冬雨想識鄧超，點知呢個時候張一山殺出嚟，仲以為周冬雨同王嘉爾拍拖！最後嘅結局梗係兩個天敵和好，兩家人仲齊齊食飯。以為故事做完啦？其實故事仲未完，片尾突然彈出一個來自未來嘅林更新，佢話自己係王嘉爾同周冬雨個仔，仲要留低食埋團年飯！唔少網友話咁都得？真係好有驚喜啵！
網民有話兒：
陽台xx我們xxy：微電影笑死我了，林更新居然是周冬雨和王嘉爾的兒子
嘉期xx-Jxxky： 電影裏每個角色都喜歡，故事很感人
王杰xx：演的太好了！ ！ ！
WOxxxI大xx：有點小感動，最後林更新的出場差點笑噴我。
----------------------------
東網巨星開咗ig喇，大家快啲follow啦！