遭無綫冷待？羅嘉良得余詠珊冰釋前嫌
20180117
東網電視
更多新聞短片
羅嘉良與羅仲謙一同出席記者會，對於被指遭無綫冷待，羅嘉良表示已經得到余詠珊（圓圖）解釋，大家再冇誤會。
藝人羅嘉良、羅仲謙、廖碧兒、蘇麗珊、梁靖琪、林嘉華及朱鑑然到尖沙咀出席TVB劇集《無間道》記者會，劇集可算是同名電影延續篇，羅嘉良飾演電影版曾志偉的胞弟，蘇麗珊演梁朝偉的女兒，戲中羅仲謙被黑幫大佬羅嘉良安插入警隊中成為黑警，有不少內心掙扎戲。
飾演奸角的羅嘉良表示在TVB劇中未試過演黑幫，今次覺得好好玩：「好型！日日都戴黑超，過足癮！」他又大讚羅仲謙掌握角色出色，只是遺憾較少時間飲酒Relax。謙仔笑說：「佢（羅嘉良）鍾意飲兩杯，呢個係佢放鬆嘅方法。（你飲唔飲得？）唔得㗎！十個我都唔夠佢一個！」羅嘉良笑言自己飲兩杯後會情緒高漲，外人不覺得他有異樣，但自己回到房內即大覺瞓。
難得與自己欣賞嘅人合作
去年底羅嘉良因沒有獲邀出席台慶受到冷待而掀起風波，他表示TVB高層余詠珊之後有聯絡其經理人：「佢有講唔好意思，話係誤會。（消咗啖氣未？）其實都冇乜氣，只係當時有人問我，我照實講。（余詠珊有冇邀請你再返嚟？）都有，不過嚟緊星期日個頒獎禮我出席唔到，因為要返大陸拍戲，拍到2月。（會唔會再同TVB拍劇？）都會，有好劇本同啱時間都可以。」
此外，謙仔表示一直很欣賞羅嘉良，拍攝當時正籌備婚禮，亦有邀請對方，可惜對方因事未能出席：「同佢拍戲好開心，佢好有耐性，冇架子！（對住偶像有冇NG？）難得同自己欣賞嘅人合作，我係有鬥心想做好啲多過驚。」
----------------------------
東網巨星開咗ig喇，大家快啲follow啦！