爾冬陞老來得女 姜麗文：最緊要開心健康
20180120
東網電視
更多新聞短片
姜麗文話叔叔爾冬陞好低調。
藝人姜麗文（Lesley）到油塘出席農曆新年活動，她表示家人比較偏向北方人習俗，雖然自己予人鬼妹仔感覺，但每年都會到親戚屋企拜年，與父親秦沛、叔叔姜大偉、爾冬陞等一享大家庭天倫樂，提起美食更滔滔不絕，今年她亦會留港度歲。講到爾冬陞近日承認育有一名兩歲女兒，Lesley說：「最緊要開心健康，我哋係大家庭嘛！（同BB玩過？）有見過，但唔多講喇！叔叔都低調。」
Lesley又表示跟家燕合作學到很多新年歌，每日都開心得笑到喊：「以前都聽過，但冇深究歌詞，原來咁好意頭，同家燕姐合作好開心，佢會提我講中文正啲、講啲好意頭說話，又教我買好正嘅海味。（合作有冇咩趣事？）最搞笑係吳業坤好鍾意家燕姐，之後直接叫家燕，都怕佢哋傳緋聞，佢哋仲一齊去台灣，家燕姐講笑話要鎖門。（你有冇呷醋？）冇，個個都鍾意家燕姐。」
----------------------------
東網巨星開咗ig喇，大家快啲follow啦！