渣馬：再戰全馬　徐濠縈志在傾偈輕鬆跑

馬拉松愛好者藝人徐濠縈（阿徐）今年再挑戰「渣打馬拉松2018」的全馬賽事，與一眾好友例如DJ唐劍康（Donald）、周子駒（Cyrus）等一同參與。阿徐接受訪問時表示今年策略是傾偈輕鬆跑，故沒有在意成績，最終以4小時16分完成賽事：「但Cyrus跑得好快，一支箭跑走咗，但好開心可以喺西隨口自己嗰Billborad下喪影相，冇機會可以停到嗰到影。（係咪理想嘅成績？）一定唔係，平時快啲㗎，有時唔一定要睇時間，好開心係賽道上面同Fans影相吹水感受氣氛。」

愛女都唔敢同佢跑

問到可有專登為渣馬準備甚麼？阿徐笑言除了早瞓之外，還喪食飯：「今朝（21日）跑之前都迫自己食咗一碗飯，唔食驚冇力，雖然都有辛苦位，但都好開心，傾咗好多偈。（吹水應該要搵陳奕迅嘛！）佢唔跑得，唔同公司唔可以一齊，都可以搵次試吓。（或者同愛女陳康堤囉！）佢本來都想嚟㗎，但驚混亂，佢畀咗個支持嘅擁抱我。（搵佢同你一齊跑？）同我跑佢會驚㗎喎，輕鬆跑都驚！」此時於一旁同樣以4小時16分衝線的Donald掩嘴細聲笑說：「佢所謂嘅輕鬆嘅呢大家都跟的好辛苦！」

另外，好友Cyrus則用了3小時45分完成全馬賽事。

----------------------------

東網巨星開咗ig喇，大家快啲follow啦！