梁朝偉鏟青Look谷新戲 女粉瘋狂集郵！
20180121
東網電視
更多新聞短片
梁朝偉現身鬧市！
影帝梁朝偉（偉仔）出席電影《捉妖記2》在鬧市舉行的宣傳活動，除了吸引大批市民圍觀之外，藝人莊思敏、郭思琳及趙哲妤等後輩粉絲亦專程到來。由偉仔上台一刻，眾人已不停於台下拍照，又跟台上的偉仔隔空影合照，認真誇張！
鏟青Keep住靚仔樣
已有多年沒有於鬧市宣傳的偉仔，對於能夠與市民互動感高興，問到日後可會多些於香港露面？他謂：「希望啦！平時冇嘢做好少出嚟啦！」而剪了一頭鏟青新髮型的他，笑指全因方便打理及運動，更謂：「我鍾意滑水、滑雪，好怕中間停低食嘢要除帽，搞一個個頭髮扁晒，咁撞到啲人叫影相，影好定唔影好呢？好似瞓完覺咁款。」
約定劉嘉玲新年後滑雪
偉仔表示剛從北海道滑雪返港，由於太太劉嘉玲忙於工作，因此未有同行，預料農曆年後才一起再出發滑雪，更指將在港度過今年農曆新年，他謂：「好耐冇喺香港過年，年年去咗滑雪，咁媽咪又去唔到雪地，驚佢跣親，所以咪過完年先再去，我今次都只係滑咗少少咋！（情人節都喺香港？）應該都會，但就冇特別準備禮物。」
喪睇70套戲
談到嘉玲近日監製新作，偉仔表示還未有時間捧場，皆因與嘉玲將參與奧斯卡頒獎禮投票，他謂：「奧斯卡寄咗6、70套戲畀我睇，有啲戲我又想喺大戲院睇，我一日最多睇到3套咋。（嘉玲睇晒啲戲未？）佢肯定未，咁忙。」
撐嘉玲監製新戲
對於今年賀歲檔電影將與嘉玲打對台，偉仔指印象中似是第一次：「我都好耐冇拍賀歲片，不過我都會去睇佢監製嗰套戲嘅。（嘉玲話男主角好似你！）似我冇用啦！不過我未見過，只知佢係新人，我主要係睇佢拍成點。（嘉玲有另一套戲喺情人節首映。）如果佢邀請我就去啦！」
----------------------------
東網巨星開咗ig喇，大家快啲follow啦！