出爐視帝都捱過！王浩信自爆食唔起芝士麵

藝人王浩信到中環出席活動，即席示範炒素蛋，更笑言未有因得獎而加今次酬勞。他又表示由於注重健康，早前已開始食全素，而太太陳自瑤亦因宗教關係開始素食，浩信更表示：「都有同囡囡講，啲雞雞同豬豬咁可愛，唔好食佢哋。」

太太有攬錫祝賀

昨晚在《萬千星輝頒獎典禮2017》首奪視帝的他表示，返家後都有跟太太閒聊幾句，問到對方有否攬錫祝賀他？他說：「都有，不過屋企嘅唔好講咁多。佢喺屋企睇我攞獎，因為佢嚟現場會變焦點，而我想低調啲，佢知（得獎）係我多年夢想，都戥我開心嘅。我媽媽帶咗囡囡嚟現場冇人認得，我想囡囡藉此想一課，知道努力係有回報。」他又指稍後有時間會與家人大肆慶祝：「到時再同大家講啦。」

當提到他與C君當年窮得連芝士麵也吃不起，銀行存款長期雙位數，他坦言：「嗰次我發自己脾氣。（呢段日子維持咗幾耐？）1、2年，不過有時都會有啲收入，好彩屋企人當時好照顧我。（依家買得起芝士麵間舖？）唔得住，所以今日咪嚟示範炒蛋囉。」談到日後調整身價，他謂：「最緊要合理，交畀公司處理。」

唔明咩叫山頭文化

至於汪明荃昨晚提到希望藝員同事們有人工加、多休息時間及公司減少山頭文化，他說：「大家聽到加人工梗係大反應，可以多啲休息時間都係開心嘅。我唔明咩叫山頭文化，但多啲演員嘅配套及支持係好嘅，人工及休息時間亦好重要。」

--------------------

東網已全面支援360影片及相片，讓你全方位睇盡新聞大事，恍如置身現場，立即登入東網360網頁： http://on.cc/360/

如仍未更新東網App，請按此連結收睇360影片： https://goo.gl/8J973o

東網巨星開咗ig喇，大家快啲follow啦！