長腿跑步有着數　唐曉彤跑渣馬超額完成

日前參與渣馬十公里的歌手還有「長腿女神」唐曉彤（Kiko），最終跑畢時間為1小時14分鐘。本身為明星籃球隊成員的Kiko，今次是她第一次參加馬拉松十公里賽跑步比賽。

Kiko表示參加渣馬感興奮，因為對她來說絕對是一個挑戰：「自己雖然平日有運動，但一向都只係練短跑衝刺力，而從一個多月前開始練習，都係每次跑到4k就慢慢停低，所以同經理人都預計自己最快都要個半小時先可以跑完。」最近她因積極練歌和錄音，再加上演藝訓練，常睡眠不足，故參賽前都擔心身體狀況會影響成績，幸而是超額完成賽事。她又說：「當時嘅比賽環境實在令人好雀躍，心情都跟住興奮，我跟『蜘蛛媽』鄭麗莎一齊跑，睇住佢好勁咁往前衝，自己亦都熱血起嚟，不斷咁向前跑。Kiko笑謂跑完比賽後已經決定下年再繼續跑，希望大會及贊助商繼續邀請自己參加，而自己望以一個小時內完成比賽為目標。

‧Kiko腿夠長，跑步步幅大，自感人高對跑步有着數。