影后戀上「古惑仔」！歐豪當街喪咀馬思純

大陸女星馬思純自從勇奪金馬影后之後便忙得不可開交，可能因為工作太忙的緣故，她與比她年輕4年的歌手男友歐豪聚少離多，有傳二人就咁玩完，亦有說影后嫌歐豪太窮嗌分手！

世事難料，馬思純日前返抵北京，甫出閘即拿起手機撳撳撳……然後快步跳上座駕便趕返寓所，見她上樓後，一部名貴跑房駛至，跳下車的原來是歐豪，唔通佢借架靚車嚟箍煲？

見歐豪急急腳衝上樓，大約十數分鐘後，他又頭耷耷走番落嚟，衰咗？未幾，後面的馬思純跟住落嚟，此時她已經換了衣服，頭髮似梳洗過，兩人分隔了好一段時間，終於相聚一刻，難耐愛火，男友仲即時伸手攬纖腰當街咀馬思純，認真甜蜜到爆！隨後，二人駕車返回公司。

P.S. 2013年參加湖南衛視《快樂男聲》獲全國總決賽亞軍的歐豪，在南方貧窮村莊的普通家庭出生，又演過街頭混混（古惑仔），有幕後人評：「論演技，很爛。論台詞，一個大陸人一口港普（香港式普通話）。論背景，沒有。論科班，打（從）小輟學。論人氣，不咋地。」不過歐豪憑着鬥心努力向上游，在大劇集了當上重要角色，並在樂壇推出了唱片，窮小子逆襲難改帥氣土質，終於抱得美人歸。

----------------------------

東網巨星開咗ig喇，大家快啲follow啦！

https://goo.gl/KGuo2N