亡母設靈　八両金痛哭：點解走得咁快？

藝人八両金（原名葉競生）母親葉歐陽麗蓮早前離世，享年83歲，今日在北角假香港殯儀館設靈，明日出殯。葉老太太的喪禮以佛教儀式進行，靈堂內以白色為主，襯上白合花簡潔而莊重，遺照上方有「福壽全歸」橫聯，藝人黃夏蕙、艾美琦及?模王家淇到場送上慰問。

八両金於下午五時半在兒子八両仔陪同下步出接受訪問，二人遵從習裕留下滿面鬚根，喪母的八両金邊走邊喊，步出室外即仰天大喊不斷叫「媽咪」，又聲淚俱下地說：「佢過多幾日就生日，點解走得咁快？點解唔過埋年？」

八両仔見父親情緒失控，即代父親開腔：「爹哋同全家人都平復唔到，特別係細姑姐難過到抑鬱，爹哋有六兄弟姊妹，大家都好難過。嫲嫲一直都好錫我，年紀咁大仲幫我拎書包，我明白人終有一死，但都好難過。特別係爹哋，日日以淚洗面。（擔心佢抑鬱？）唔驚，佢有修佛，好快可以諗深一層。」

八両金及後再開腔說：「我都60幾歲喇，但媽咪一直都當我細路，佢為人好幽默，鍾意唱歌，一個月前食得行得唱得，點解會走得咁突然？」八両仔指嫲嫲年輕時有在福建表演，為人幽默，感恩她將幽默天分遺傳給他父子二人。而八両仔攙扶情緒再失控的父親入靈堂後，再回到門外代父感謝大家送上慰問。