相識30年！鄧兆尊關寶慧齊齊講靈異經歷
20180125
東網電視
更多新聞短片
兩個啲靈異經歷都好恐怖！
藝人鄧兆尊在柴灣接受由關寶慧主持的ViuTV節目《晚吹-總有一瓣喺左近》訪問大談靈異經歷。關寶慧與鄧兆尊老友鬼鬼，原來兩人已經相識30年，關寶慧笑說：「我哋中學已經認識，一齊做舞台劇做情侶，後來去到電視台我竟然做佢阿媽，真係亂倫呀。」
關寶慧講到最近在內地酒店的靈異經歷， 她說：「喺酒店除低咗幾隻戒指，仲未瞓聽到有聲話呢度有幾隻戒指，然後有另一把聲話你講邊隻呀，我之後就唔郁得，想起身對抗佢，我心諗你唔好搞我啲戒指，之後把聲就消失。」兆尊指小時候在泰國酒店房內見到睡床升起半空，後來婆婆好淡定大喝一聲：「放番落去。」
問到關鄧兆尊拍戲時可有靈異遭遇？他笑說：「有㗎，通常啲女演員未化妝嘅時候就會撞鬼。」關寶慧笑說：「你係咪話緊我？」鄧兆尊說：「唔係，你唔係女演員，你係女主持啫。」
關寶慧指拍攝時經常有靈異遭遇，她說：「嗰啲嘢最鍾意睇戲，傳聞喺另外間電視台以前有個四方頭，我就冇見過。」鄧兆尊笑說：「你講錢嘉樂呀？其實你個心一寒一虛，冇嘢你都會覺得古古怪怪。」
----------------------------
東網巨星開咗ig喇，大家快啲follow啦！