有人唔想！梁思浩力邀祥嫂鄧兆尊食團年飯

藝人梁思浩、陳彥行、李麗蕊等到亞視大埔總台，為亞視啟播典禮綵排。一行人為打鼓舞獅項目排練，思浩表示借打鼓敲醒香港人心中的ATV，講到領軍的思浩有點跟不上節奏，他笑言：「我排第二次咋，我懶！資質差，到真係人齊都要當日表演前，得一個鐘排練。」陳彥行則說：「我哋呢組出席率最高㗎，但係冇次人齊，大家都忙，我就次次都嚟。」思浩又被指對「開台」節目經驗老到，他說：「我都參與過TVB、亞視、有線同Now，因為有好多TVB幕後，今次係用TVB大騷方式去搞。」

主力約祥嫂

思浩曾表示將請來圈中仇家在其新節目《今晚見》中「擺和頭酒」，當中包括傳不和的鄧兆尊及其母親洪金梅（祥嫂），不過有指鄧兆尊以不想將家事公開為由已拒絕，思浩表示：「個個都約緊，通常一個肯另一個就唔肯。（兆尊定祥嫂唔肯？）各有各約，行姐（陳彥行）會喝佢（兆尊）上嚟！祥嫂會有人同佢傾，依家主力放喺祥嫂度，就新年喇，上嚟食餐團年飯！（兆尊話唔想講家事？）唔講家事，講私事囉！」

睇吓邊個去廁所Gathering

講到亞視將於深宵時段播放《蒲樂無窮》直擊夜場百態，取代過往的《魚樂無窮》，思浩坦言未有留意，李麗蕊則笑說：「都係睇人釣魚啫！」問會否擔心有不雅鏡頭？思浩笑言：「大家就係想睇不雅啫！鏡頭要放喺廁所門口，等我哋睇吓有邊個去廁所Gathering！」

韓星助陣啟播禮

另外，亞視外事部高層曾醒明透露，亞視啟播典禮當晚，將設酒會並廣邀近千位賓客到場，而直播表演節目中將請來林子祥、任賢齊及韓星南泰鉉等擔任嘉賓。