英皇電影城開業!容祖兒恨拍歌舞片

20180127
東網電視
更多新聞短片
紀煥博(左起)、陳家樂、容祖兒、楊受成、任達華、湯怡及海鳴威出席開業慶典。

英皇集團旗下規模最大的英皇電影城—重慶新光天地店昨天舉行盛大的開業慶典,在重慶市領導、新光天地單位代表、重慶市群眾及逾百家媒體的見證下,英皇集團主席楊受成博士率領一眾英皇娛樂藝人親臨現場,當中包括天后容祖兒(祖兒)、影星任達華、湯怡、陳家樂、海鳴威及紀煥博等,齊齊為英皇電影城這個發展里程碑揭開序幕。

見證集團業務起飛受感動

慶典一開始由荷里活式歌舞帶出祖兒與任達華兩位型男美女的星級答問環節,祖兒表示:「我今個月初先啱啱喺深圳幫英皇電影城進行開業慶祝同舉行簽唱會,相隔唔夠兩星期就嚟到重慶為『英皇電影城—重慶新光天地店』擔任開幕嘉賓。呢幾年入面,英皇電影城迅速擴張,包括合肥、北京、重慶、成都、深圳等,我都出席過佢哋嘅開業典禮,一路以來見證住集團電影院業務起飛,令我深受感動。」祖兒欣賞完開場的歌舞式表演後,亦表示希望可以一嘗拍歌舞電影的滋味。

期望影城為觀眾提供更佳享受

任達華是圈中著名的攝影愛好者,正忙於拍戲的他說:「英皇電影城—重慶新光天地店配置咗多項前端特效放映技術,更首次在内地引進目前全球最大型嘅ScreenX特效廳同MX4D動感特效廳,開創業界先河,絕對符合我對完美畫面嘅追求。希望將來自己嘅電影可以喺呢度上映,畀觀眾可以喺更舒適、優質嘅環境下享受電影文化。」他亦希望將來有更多ScreenX電影,為觀眾提供更佳的影視享受。

之後湯怡、陳家樂等藝人與觀眾進行互動遊戲,湯怡說:「一般電影院都好少設置兒童專區,但英皇電影城—重慶新光天地店特別設置親子主題觀影區『DREAM LAND』,為渴望家庭樂嘅顧客營造繽紛嘅童夢樂園,畀家長同兒童各自享受適合自己嘅觀影樂趣,設計十分細心周到。」陳家樂亦表示:「能夠喺自家英皇電影城擔任開幕嘉賓,感覺別具意義,希望之後嘅新戲活動可以安排喺呢度舉行,同影迷見面。」他更自言非常鍾情VIP廳的包廂式坐椅,因爲可以與三五知己一同分享電影及美食。最後眾藝人聯同楊受成博士、以及新光天地單位代表進行祝酒儀式,活動圓滿落幕。

----------------------------
東網巨星開咗ig喇,大家快啲follow啦!
https://goo.gl/KGuo2N