大談電視風雲　陳志雲恨聽吳雨爆英皇嘢

傳媒人陳志雲到深水埗出席亞視節目《百萬富翁2018》公開招募參加者活動，吸引近百街坊圍觀，抱恙現身的他聲沙沙仍落足力支持，節目方面更表示，目前已收到過萬名市民透過手機Apps報名。

陳志雲表示自己亦會參加29日舉行的亞視啟播典禮，屆時會與吳雨、何守信等人合作主持一個環節大談電視風雲，問會否爆料？陳志雲說：「要再傾傾，吳雨大哥經驗多過我，我都想聽佢爆英皇嘢！會係一個暢所欲言嘅環節，我都係要襯佢哋吸氣嘅時間先插到嘴！」

陳志雲指29號當日亦會有《百萬富翁2018》準參加者到亞視總台面試，問有否呼籲身邊好友報名？他說：「都有，但佢哋都要筆試同面試嘅。（有冇參賽貼士畀大家？）最緊要有一班朋友，因為有錦囊係問朋友嘅，呢個錦囊會令你重新定義咩係朋友。有啲人有律師朋友撐，十幾個律師一齊等電話。亦都有人叫咗朋友撐場，點知等到5、6點都冇電話，原來冇用到錦囊，所以大家最緊要沈着應戰，起碼用錦囊過保險線，睇機會唔識答就拎錢走。」

----------------------------

東網巨星開咗ig喇，大家快啲follow啦！