王梓軒石祐珊好事近？朱明銳唔敢代催婚
20180127
東網電視
更多新聞短片
王梓軒（左圖左、右圖左二）與石祐珊（圓圖左）同場出席婚禮。
面包台CEO朱明銳榮升新老爺，大仔朱曉恩和女友Elaine成婚，歌手有王梓軒及其緋聞女友石祐珊都有出席傍晚結婚簽字儀式。「新老爺」朱明銳接受訪問表示：「心情當然同上次一樣（細仔結婚）咁興?，兩個仔我都好愛錫。我覺得佢哋係啱時間結婚，三、四月都係結婚嘅好日子，我當然好開心啦！一個家族嘅承傳嘛。」上次細仔結婚，朱明銳就送層樓的首期做賀禮，問今次可有加碼？朱明銳表示禮物會一視同仁：「細路仔要幫幫佢，盡我小小力量，等佢哋各自有自己嘅居住環境。我覺得最緊要係先安居後，就發展事業同家庭，我都係幫咗佢哋兩百萬左右。」他又說沒有刻意強求抱孫，最緊要仔仔和媳婦相親相愛。
想細路成家立室
朱明銳又說最想請薛家燕來飲喜酒，可惜她有工作在身，但也派了女兒石祐珊（珊珊）到賀，而他則請了自己好欣賞的歌手王梓軒出席，前上司甘國亮的到賀亦令他大爲高興。
問朱明銳可有代薛家燕向珊珊和王梓軒催婚？他說：「我就唔敢，但我覺得佢哋配合得好好，每次見到佢哋一齊做嘢都好開心，希望佢哋加快發展感情，薛家燕都好想啲細路快啲成家立室。（叫新抱掟花球畀珊珊？）希望掟得中啦！」
另外，沒有出席的藝人歌手如薛家燕、歐陽靖、李克勤及鄧紫棋等則送上祝賀短片賀朱明銳娶新抱。
----------------------------
東網巨星開咗ig喇，大家快啲follow啦！