請教吳業坤點攞獎？田蕊妮今年出碟做新人
20180128
東網電視
更多新聞短片
田蕊妮計劃今年出碟。
藝人田蕊妮出席晚宴活動，期間談及身體近況和來年大計，她表示腹肌仍然存在，但只有在運動過後才會略為顯眼，加上別人覺得自己是「大隻」，所以更加喜愛做運動。問會否拍照留念，她笑言：「計劃緊，都練得咁辛苦（搵老公操刀？）哦，諗緊搵第二個人影。（點解唔搵老公？）我想有啲新鮮感畀自己，講笑，佢真係唔得閒嘅。」她又透露稍後會拍廣告，所以需努力加操保持身形，以便在廣告中以最佳狀態示人。
田蕊妮表示自己休養一段時間後，又想嘗試擔任綜藝節目主持人，更透露來年計劃推出唱片。她表示想投入更多時間製作唱片，以便把自己的想法放到歌曲中，又直言因為拍劇集需要把所有時間都投入到當中，不會有多餘時間做其他範疇的工作。她笑言：「難得有得出，咪想盡量做好啲囉（復出樂壇定再戰樂壇？）樂壇新人（想攞新人獎？）攞飛躍新人獎（吳業坤咪做你前輩？）係呀，我師兄嚟㗎，冇辦法啦要請教吓佢（咁你會做新歌定翻唱？）會有3首新歌，亦會有翻唱嘅歌。」
----------------------------
東網巨星開咗ig喇，大家快啲follow啦！