《妙趣孖寶》男星Alex Winter兒時被性侵

於80與90年代電影《妙趣孖寶》（Bill & Ted）系列與加拿大男星奇洛李維斯（Keanu Reeves）做低能搞笑老友拍檔的52歲英國男星Alex Winter，接受BBC電台訪問時，自爆兒時被性侵的經歷。

前童星Alex透露於70年代，曾被一名現在已經離世的男子性侵：「我覺得自己係個倖存者。」他因而患上創傷後壓力症，直到30歲後才慢慢康復。

他指拍攝《妙趣孖寶》對他康復很有幫助：「我當時唔知，但拍嗰套戲好重要。我喺一個黑暗時期，我一路冇停過工作，捱過一堆節目同大學。我冇真正停過，而當你有嗰種傷痛時會引嚟災難。所以，套戲係一個機會去停低，留喺一個安全、美好、好玩同有童真嘅地方。」