名人：佗B逾4個月　Ana R.宣布再做媽咪

名模Ana R.上月出席活動時身穿紅色鬆身裙又再肚凸凸，疑似有下一胎，當時佢就否認有喜。不過，呢日Ana R.就喺社交網晒咗幾張佢同囡囡Maya一齊影嘅相出嚟宣布再佗B，相中Ana R.個肚都唔細，Maya就好開心咁指住佢個肚，Ana R.留言：「Maya is Happy to Announce that she is going to be a Big Sister.（Maya好開心宣布佢要做家姐喇）」Ana R.仲用Hashtag講畀大家知佢已懷孕18周，真係恭喜晒呀！

留港生B

Ana R.接受東網訪問表示相片係喺影樓拍攝，說：「老公唔鍾意影相，所以冇一齊影相，而今胎冇磅幾重，但係就個肚特別大，唔知點解，估計BB係大碼B。（仔定女？）要保持神秘感，唔講住，等大家有驚喜。」她透露會留港生B，但找一間近自己家的醫院生B。

想順產不過醫生唔建議

問到順產定開刀？她表示：「第一胎原本想順產，但穿羊水24小時，嗰時Maya仲好高，未落到去，所以要開刀，今次原本想順產，但醫生話呢個情況，有75%都會似上次咁，加上我媽咪生我都係咁嘅情況，估計係會開刀多。」

----------------------------

東網巨星開咗ig喇，大家快啲follow啦！