好Juicy！馬蘇力撐李小璐反被爆陰私

由於為好姊妹李小璐與PGone的「嘻哈綠帽風暴」解畫而人氣急升嘅大陸女星馬蘇，其實發生喺自己身上嘅新聞都好Juicy。年屆36，冇老公、冇子女、沒冇男友，但擁有火辣嘅身材！

而以娛樂圈紀檢委自居嘅黃毅清（黃奕前夫）聲稱要為被騙好友出頭，連日來大爆馬蘇私生活敗壞，內容嚇人，搞到馬蘇告上法庭叫佢收口：「不要賠償只要他坐牢。」

至於感情生活，馬蘇與曾任中國女乒主教練、有「乒乓小王子」之稱嘅孔令輝愛情長跑咗11年，可惜未能開花結果，不過好快又傳出佢同綽號「乒壇藏獒」的「大滿貫」乒壇天王張繼科搭上，不過姊弟戀未開花即時被張繼科否認，發聲明強調只係姊弟情，好朋友關係。

老實講，馬蘇係一位好勤力嘅藝人，由2003年計算，佢參演嘅影視作品超過50部，另外仲有真人騷，就連《12道鋒味第2季》佢都有份，可謂日日有工開，但仍可以搞出咁多花邊新聞，認真唔簡單！