黃子華多謝眾星：嚟拯救我呢個票房毒藥

由黃子華與佘詩曼主演的賀歲笑片《棟篤特工》，片中除了子華發揮其抵死幽默風格，阿佘有不一樣「樣衰」演繹外，片中有多達28位紅星包括楊千嬅、許冠文、張智霖、蔡少芬、鄭丹瑞、鄭中基、吳君如、草蜢、王敏德、鄧兆尊、張繼聰、張達明、苑瓊丹、盧海鵬、許紹雄、林雪、羅蘭、鄭欣宜、林子善、張國強、趙榮、詹瑞文、湯鎮業等客串演出，令電影星光瀉地。

自稱「票房毒藥」的黃子華獲眾一眾紅星好朋友友情客串，實在無言感激，所以子華特別自拍了一條接近8分鐘的鳴謝在社交網答謝好友支持。黃子華說：「拍呢套《棟篤特工》係破咗我人生記錄，我係從來冇試過一次過欠咁多人欠咁多嘢，今日喺度畀啲耐性，容許我一次過多謝番咁多位幫過忙嘅朋友，無償、衷心嚟拯救我呢個票房毒藥嘅朋友，多謝你哋。大家畀啲耐性、幫我畀啲掌聲以下呢啲人士好冇？」

子華還補充：「我覺得我依家好大鑊，因為我一定漏講咗啲人，我漏講咗嘅希望多多包涵，首映之後我再請你哋飲嘢，希望你一定到，到時我一定親自多謝你。比如Dickson，我唔記得多謝你，多謝你，有你喺度我哋毒男就有晒地位，即係你呢個角色做得好；仲有詹瑞文，仲有……真係講唔到咁多，首映見，各位。多謝晒。」

----------------------------

東網巨星開咗ig喇，大家快啲follow啦！

https://goo.gl/KGuo2N