情人節冇女陪！俄仔Ansheles望有得開工

俄仔Ansheles出席和平文化活動揭幕禮，他坦言第一次擔任活動大使感到壓力大同緊張，又指覺得人與人之間、環境和自己的和平都很重要。問到如何保持和平心境，他說：「每次如果嬲或者唔開心，我會記住forget同forgive，搵個和平繼續生活。（有咩最難忘經歷？）13、4歲時讀書時試過畀人Bully，到大啲就明白佢哋點解咁做，嗰時大家咩都唔明，依家都做番朋友。」

望過地道農曆新年

談及農曆新年，他笑言在香港過新年通常都好慘，因家人不在香港沒有家庭活動：「但都有食過賀年糕點，我好想去個好地道嘅屋企，同人哋屋企人慶祝。（搵番個香港女友？）都係好方法，但依家未有女友同呢個特別經驗，我對新年所有嘢都好感興趣。（情人節咪冇着落？）冇，我希望嗰日可以做嘢，如果唔係就慘。」

相隔10年回鄉

Ansheles透露2月尾會到俄羅斯拍節目3個星期，10年未有回鄉的他表示會順道探望媽媽：「可能會同佢一齊拍嘢，10年好多嘢都唔同咗，好想知佢最近點。」而2018俄羅斯世界盃將於6月舉行，他希望藉此能夠介紹當地予香港人認識，互相交換文化。