係霸氣嘅！陳蕾花名叫「豹哥」原來因為…

唱作歌手陳蕾（Panther）以花名「豹哥」為歌迷所熟識。問到這個花名的由來？Panther笑言原因相當有趣：「原本我係有個英文名，中學嘅時候有一次好似係同同學玩猜情尋，佢哋話邊個贏咗就可以有個霸氣啲嘅名，嗌足一個學期。結果係我贏咗，佢哋就改咗個豹哥嘅名，嗌嗌吓嗌到畢業，我又覺得幾得意，索性將英文名都改埋做Panther。」

霸氣的花名由來有因與陳蕾總是愛作男仔打扮亦不無關係：「由讀書時候開始就一直都係短頭髮，可能因為屋企人唔鍾意女仔太嬌嗲，爸爸一直都唔畀我留長頭髮。我中學時候好誇張，直情會剷青，又鍾意着男仔衫，但係其實我係有顆少女心，會去追啲日本明星。」