粉碎不和傳聞！章子怡鞏俐晒合照
20180214
東網電視
更多新聞短片
章子怡留言：「俐人怡人！兩情長遠，不在朝暮相見！」
今日係西方情人節，唔少圈中愛侶攞正牌晒恩愛。內地女星章子怡今日亦喺微博現身，但就冇孖住老公汪峰帶埋囡囡「醒醒」齊齊放閃，反而同第二個攬頭攬頸合照喎，咁大膽？原來章子怡同昔日拍檔鞏俐聚會，兩位大忙人難得碰頭，當然要影番張合照留念，事後佢亦晒出合照，並留言話：「俐人怡人！兩情長遠，不在朝暮相見！一朝相見，千言萬語！情人節快樂。」
雖然同為「謀女郞」嘅佢哋一直被傳不和，甚至拍攝電影《藝伎回憶錄》時，章子怡坦承為求逼真，被鞏俐大力掌摑7巴，但如今見佢哋姊妹情深，自然粉碎不和傳聞啦！
----------------------------
東網巨星開咗ig喇，大家快啲follow啦！