四年情不再！鄭元暢情人節宣布「分手」

台灣男星鄭元暢（小綜）當年同女星林依晨合演嘅劇集《惡作劇之吻》，其「江直樹」嘅一角，至今仍然係大家心目中嘅經典角色呀！尋日情人節鄭元暢就喺社交網拎住玫瑰留言祝大家情人節快樂：「有『情』的人過的節，祝我們都快樂。」

點知，小綜過咗一陣又再自爆分手，邊個喺情人節同佢講「分手」咁慘呀！？一班粉絲睇到都O晒嘴呀！小綜仲以《寫在分手時~致那些年我們一起的親密時光》為題留言話佢哋一齊四年，不過依家已經返唔到去喇：「寫在分手時~致那些年我們一起的親密時光　我們回不去了。在一起的這四年，我們從一開始的不熟識、磨合到緊緊相依，這過程有悲有喜。記得剛在一起的時候，常常因為妳，我吃不好、睡不著（着），但我知道這是必經的過程，我努力改變自己，改變我說話的方式、我的飲食習慣，在我忙碌的工作行程中盡力排出時間來維繫我們的關係，這一切我痛苦並快樂著（着）。多少個夜晚我一直想像這一天的到來，終究，還是要別離。謝謝妳這四年的陪伴，也因為妳，我成為我更喜歡的我自己，我想我們彼此的付出也就值得了。分開並不是結束，而是新的開始，我們都自由了。我會努力習慣沒有妳的日子　分手不說再見～」睇到呢度一班網友不禁大表震驚，事關向來冇咩傳緋聞嘅小綜竟然有一個秘密相處咗四年嘅伴。

不過，大家唔使擔心！其實個留言未完嘅，小綜喺最後都有同大家表示佢所講嘅「妳」係指戴咗四年嘅牙套咋！佢仲搞笑回覆自己嘅貼文指佢終於可以食金針菇喇！真係睇到一班網友都唔知嬲好定笑好，仲忍唔住話小綜太過分。

----------------------------

東網巨星開咗ig喇，大家快啲follow啦！