前世爭咗佢哋！羅霖為仔做乜都制

藝人羅霖日前到花店插花賀新年，她表示首次插花泥有一定難度，比起平時花樽複雜，幸好用很短時間便完成：「好滿意，我畀自己80分。」又認為花有減壓作用，讓心情變靚。

適逢農曆新年，她表示會一家去旅行，而今年亦不例外，會帶兒子們到法國滑雪，坦言有點害怕：「始終係危險運動，呢排要加緊運動防止到時扭傷，2年前第一次滑完之後，條腰骨好似唔係我咁，最後仲發埋燒！」又表示現時很放心讓兒子們滑雪，跌得多才學會成長。問到最難忘的新年，她回想以前拍拖跟男友到外地過年：「同依家帶住小朋友唔同啲，以往可以選擇自己喜愛地方，但呢20年全部由佢哋揀，係陪太子讀書。」

擔任多個角色

講到可會督促兒子讀書，她不好氣地說：「唉，我成日哦佢哋，但哦太多驚反叛，要當朋友傾談，就算有唔啱，我都認同咗再解釋。」她直言自己擔任多個角色，除了媽媽之外，還是兒子朋友、玩伴和秘書：「剪頭髮、餐廳都係我幫手BOOK。（怕唔怕太依賴你？）都唔會，適當時候都會撞佢出去，例如兩個大仔會做暑假工。」她表示大仔現時回流香港讀書，做過咖啡店和時裝店工作後，明白行內的苦處，身同感受後懂得諒解別人工作情況：「咖啡店要做清潔嘢，佢返到屋企都識幫手，但一時時要睇心情。」

望子成龍

羅霖謂做父母都想望子成龍，但現時不可以給予小朋友太多壓力，坦言希望有其中一個兒子做醫生，無奈三個都冇興趣：「所以隨便啦！大仔讀設計、二仔讀心理學，但細仔嚇我一跳話想做演員。（畀唔畀佢入行？）我覺得小朋友隨時會變，兩個大仔都講過要做演員，睇過我拍戲情況太辛苦之後就話唔做，但就算佢真係想入行我都唔擔心。（幫佢接Job？）有做過時裝Model，賺到啲錢佢會使十分一，其他就幫佢儲起。」

講到新年願望，她希望身體健康接多些工作養活兒子，想嘗試挑戰內地真人騷，至於感情方面放到最後：「我都有諗過自己呢方面，但三個仔讀書壓力都好大，我諗要等大仔同二仔畢業先再打算自己感情事，始終感情要時間培養。（本身有個男友？）冇，只係朋友！（情人節點？）我有兩個仔陪我，一個係美國，我一日未認定，情人節都唔會同任何一個男士出街，費事人哋誤會。」

場地:Hues Floral Design

服裝:中藝

----------------------------

東網巨星開咗ig喇，大家快啲follow啦！

https://goo.gl/KGuo2N