33歲傅穎計劃雪卵：我都年紀大
20180220
東網電視
更多新聞短片
傅穎透露有計劃雪卵。
近年以內地發展為主的傅穎（Theresa）早前宣布甩拖，跟蒙古男友去年分手了，她坦言：「新一年唔諗感情住，因為我個人一心不能二用。」她與前度雖保持朋友關係，但兩人盡量減少聯絡，她說：「始終需要一個過度期，要完全分開冇咗對方喺生命，之後再以朋友相處，否則成日聯絡唔係一件好事，可能有時會諗起佢，其實係唔應該，舊年仲會咁，今年我完全放低咗佢。」
會結婚生仔
傅穎以前想過28歲結婚，但已經過了，但她覺得自己有一日應該會結婚生仔，今年33歲的傅穎可有想過「雪卵」？她坦言有「雪卵」計劃，她說：「我都年紀大。（鍾欣潼都係35歲先雪？）真係㗎，其實我會諗，因為如果真係萬一要BB嘅，都希望BB健康啲，我覺得做呢件事係OK，為將來小朋友着想，我覺得都係要做呢件事，我上網搵吓資料喺邊度。」
湊貓似湊B
雖然未有對象，但傅穎最近一顆心被「牠」融化，牠就是傅穎在北京家飼養的貓咪「瓜瓜」，她笑言養了瓜瓜後，日思夜想，感覺就好似湊BB一樣，她笑說：「我覺得做媽咪好偉大，依家好似湊小朋友熱身咁，我緊張到日日幻想到將來有小朋友，自己會變成超級緊張媽咪。」因為掛住瓜瓜，她笑說：「平時我拍咗好多Video，因為喺香港驚掛住佢，就可以不停咁翻睇，愈睇就愈掛住，所以過咗初二、三，我就返北京。」
場地：軒琴居
----------------------------
東網巨星開咗ig喇，大家快啲follow啦！