回憶返晒嚟!《餐餐有宋家》24年後聚首

20180220
東網電視
更多新聞短片
大家仲記唔記得《餐餐有宋家》呀?
無綫有唔少處境劇都成為大家嘅集體回憶,好似《男親女愛》、《皆大歡喜》同《真情》咁,不過大家又記唔記得1994年播映嘅《餐餐有宋家》呢?點解冇啦啦提起?因為相隔咗24年,劇中一班演員難得聚首呀!
呢套劇除咗有螢幕情侶宣萱及古天樂外,仲有一班好戲之人盧宛茵、陳曼娜、梁家仁等參演!喺劇中飾演「毛芷晴」嘅宣萱今日就喺微博上載咗兩張相,佢留言:「《餐餐有宋家》祝大家開工大吉!」相中見到宣萱、盧宛茵、陳曼娜、梁葆貞、梁家仁、尹揚明、黃?瑩及鄧兆尊,估唔到隔咗廿幾年佢哋都咁老友,真係好難得呀,網民都留言:「哈哈哈,時光荏苒大家又聚到一起真是不容易呀!」而相中嘅梁家仁同尹揚明仲勁似樣,好似孖生兄弟咁添!不過似乎就少咗個主角古天樂,大家都紛紛留言問佢「阿貴」(古天樂飾演)去咗邊呀?