陳展鵬帶單文柔見恩師 袁文傑女友冇影
20180220
東網電視
更多新聞短片
陳展鵬（右二）孖女友單文柔（右）去見恩師，咁袁文傑女友張潔蓮（前排）呢？
新年除咗同屋企人團拜外，仲可以趁機會約朋友相敍吓，好似同樣都係大忙人嘅袁文傑同陳展鵬咁，佢哋就約咗以前嘅恩師食飯，袁文傑仲喺社交網上載多張合照，並留言表示：「初三晚跟恩師Ling姐拜年，永遠感謝當年提拔！#飲水思源」不過相裏面個焦點，就係展鵬帶埋女友單文柔一齊出席呢個咁重要嘅飯局！睇嚟佢哋兩個感情真係相當穩定，單文柔已經融入埋展鵬嘅朋友圈。
網民都話佢哋就算成咗名都不忘舊時嘅恩師，真係乖仔，仲話展鵬同單文柔感情已經咁好，快啲拉埋天窗！除此之外，佢哋仲問袁文傑做咩唔帶埋女友張潔蓮出嚟見恩師添。
----------------------------
東網巨星開咗ig喇，大家快啲follow啦！