電影節獲獎！杜汶澤自嘲：演戲唔係好掂
20180220
東網電視
更多新聞短片
阿澤喺電影節上榮獲亞洲明星大獎。
藝人杜汶澤（阿澤）執導的電影有份在下月正式舉行的《大阪亞洲電影節》參賽，而他更率先獲大會宣布奪得「亞洲明星大獎」，可喜可賀！阿澤非常感謝主辨單位，更笑謂：「好多謝《大阪亞洲電影節》頒呢個獎畀我，我作為一個45歲嘅電影人，開始拎呢啲獎表揚我過去乜乜乜咁，提醒咗我時日無多！都係啱啱一個新開始，機緣巧合咁做咗導演，喺電影工作上有個新嘗試，好希望日後可以花多啲時間繼續做幕後工作，因為知道自己演戲唔係好掂。」然後指自己下個月會親身到大阪領獎。
繼續為香港電影出力
阿澤就指自己得獎，最多謝是曾經與他合作過的所有人：「因為無論係幕前定幕後，都要有好多人肯幫你先至會得到成績，呢啲都係緣分嚟。我會繼續努力為香港電影出一分力，希望世界各地觀眾都知道我哋香港電影係依然蓬勃、燦爛。」
揼骨遇地震
阿澤又謂正與老婆田蕊妮在台北度假：「尋晚同太太揼骨，揼到瞓着咗，但都感覺到個師傅係咁搖我個身，我就諗呢個男師傅都幾犀利，零舍唔同，好似抽起我成個人、當正我係禪院鐘聲支嘢起勢搖，但之後佢就話唔係，話其實係地震。」他指自己在日本遇過多次更強的地震，所以不太害怕，只希望受影響的人可以平安無事。
----------------------------
東網巨星開咗ig喇，大家快啲follow啦！