滑滑吓雪有感而發 羅霖為搵錢棄同J君發展

20180222
東網電視
更多新聞短片
羅霖最近去咗法國滑雪。

現年52歲的藝人羅霖,與富二代男友J君譜出姊弟戀,J君並能融入她的家庭生活,看似甜蜜,但今日羅霖卻在微博寫下一番感言:「如果有人真愛你,那他無論忍受多少,都不會願意跟你分開,那種嘴上說愛,其實離你愈來愈遠的,不過是謊言,那種滿嘴真愛,其實一點虧都不肯吃的,無非是路過。真愛,就是奔結果去的,沒結果的,只能叫曾愛過。」隨即惹來分手之疑。

正身在法國滑雪的羅霖,回覆東網時稱:「我時不時都會有感而發,鍾意睇啲哲理書,寫啲感受,有時係因為工作上遇到困難,有時自己感情事,有時係想鼓勵朋友。(今次呢段感言為咗乜事?)今次係感情嘅一個抒發,我哋唔係分手,當J君係好朋友,本來係想投入呢段感情,但係要照顧三個仔,經濟壓力好大,所以都係做番單親媽咪,放棄自己感情先。(因為經濟問題放棄拍拖?)養三個仔愈來愈吃力,壓力愈來愈大,主要係經濟問題,養一個小朋友好易,養三個好困難。(同J君仲有冇聯絡?)仲有,不過感情隨緣。」

她透露之前在外國讀大學的大仔,最近決定轉修科目,放棄讀律師,轉而讀設計,已考入本港的大學,從頭開始,她說:「大仔依家返香港讀設計,主要佢開心快樂就得,無想過逼佢,不過我同佢講只可以轉一次,唔可以轉第二次。」