楊明狠施毒手捏頸 王浩信青筋暴現

20180223
東網電視
更多新聞短片
楊明一手推王浩信埋牆,相當兇狠!
藝人王浩信、楊明及伍允龍為無綫新劇《兄弟》於深水埗拍攝一場打鬥戲,楊明先追住王浩信打,又起腳又捏頸,更捏到浩信額頭青筋暴現,毫無反抗之力,未幾伍允龍趕來做「和事老」,但就被楊明打埋一份,慘被Kick低前後打勻!
求婚搵伍允龍拉威吔
浩信受訪時坦言爆青筋只為增加視覺效果:「楊明捏頸時冇咩用力,係我縮膊頭上去,谷埋青筋出嚟!」楊明則直言擔心令對方受傷,因為之前拍《收規華》時,試過打傷許家傑,令對方受傷入院!談到女友莊思明日前生日,問到送甚麼禮物給對方時,他尷尬傻笑說:「都係啲普通嘢啦!(戒指?)唔係啦!第時求婚都要搵啲兄弟幫手,可以叫伍允龍幫手拉吓威吔咁!」
當劉穎鏇徒弟
伍允龍在劇中與劉穎鏇對手戲多,直言已當對方是半個徒弟:「喺菲律賓有場戲,佢一個要打好多個,但第一日拍得唔係咁順手,我同導演講可唔可以Book多日武師畀佢再拍,之後佢晚晚喺房練習,又約我教佢,第二次就拍得好靚!」
----------------------------
東網巨星開咗ig喇,大家快啲follow啦!