周奕瑋搵女友　SG做媒人介紹師妹

無綫藝員周奕瑋主持的節目《周遊東京》在尖沙咀舉行記者會，他邀請了好友Super Girls擔任嘉賓，司儀則由潘盈慧擔任。活動進行時鄭裕玲以神秘嘉賓致為周奕瑋打氣，令他相當驚喜。

周奕瑋與Super Girls一齊受訪，他們曾一起拍攝另一個旅遊節目，Super Girls大讚周奕瑋細心，照顧她們無微不至，她們笑說：「當時佢都係幕前拍嘢，但係又幫手做翻譯，未出聲已經知道我哋想點，好似變咗我哋保母咁，咁好嘅男仔好難得。」周奕瑋笑說：「咁最尾有冇暗戀我。」

問Super Girls可會介紹女仔給周奕瑋認識？她們笑說：「介紹我哋個師妹囉，唔係好高嘅，但係「女神」嚟，叫做Judy（鄺潔楹），都係等佢哋順其自然。」Super Girls又追問周奕瑋可有買禮物送給Judy？他笑說：「總之有買，買乜就唔話畀你聽。」

問周奕瑋下次再拍旅遊節目可會邀請Judy拍攝？他說：「都想嘅。」Super Girls即起哄問周奕瑋是否會邊請她們先拍節目？周奕瑋笑說：「當住面梗係你哋先啦，有啲後悔請你哋做嘉賓，好似整蠱自己咁，哈哈。」

周奕瑋透露在日本拍攝節目是幾乎要鬧上差館，因為當時在行人路拍攝，有一個婦人踩單車收掣不及跌倒，於是大發雷霆，幸好警察到場卻是責罵那婦人不應該在行人路上踩單車。