肥施係李小龍迷　探林嘉華班被拉入行

林嘉華與已故藝人施介強（肥施）結識於70年代：「我哋讀中學就識，但我哋唔係同班，分別係上、下午班，但就係一種緣分令我哋成為好朋友，讀書時都知佢好鐘意睇戲，我哋都係李小龍迷，佢拍咗兩套李小龍紀錄片，我都有幫手，後來佢就去咗加拿大讀書，之後返咗嚟，我就入咗演藝圈，拍緊新藝城嘅電影，佢嚟探我班，咁啱畀當嘅老闆麥嘉同石天睇中，叫佢入行玩吓，於是就參演咗佢第一部電影《摩登時代》，從此肥施就入咗行！」

二人齊齊在演藝圈打拼，當然有合作機會，嘉華稱：「其實肥施識得柔道，又識彈琴，好有才華，我入咗無綫拍一個講追女仔嘅劇集，都叫佢教我彈琴手勢，仲試過幕後代我彈添！後來我幫馬來西亞創作一個劇，都搵咗佢演一個角色，我哋當年兩兄弟一齊去拍，好似去旅行咁，好開心！」