少女遊沖繩　龔嘉欣子羚示範貼地自由行

藝人姚子羚同龔嘉欣姊妹情深，最近佢哋去咗日本沖繩旅行度新歲兼睇櫻花，呢幾日兩個都有喺社交網上載咗靚相，贏得網友大讚人比花嬌～～

今次佢哋又同櫻花樹海合照，不過嘉欣就自爆開足一個半小時車去賞花，但原來佢哋已經錯過咗最燦爛嘅櫻花，不過子羚同嘉欣兩個咁靚女，就算睇到櫻花唔夠靚都有佢哋嘅美貌搭救，啲相仲充滿少女味添～唔講唔知，嘉欣又大爆佢哋兩個經常延誤行程，捱餓兼行錯路，仲試過行咗去啲恐怖地方，兩位女神齊齊完美示範貼地自由行，搞到啲網友都自告奮勇去做佢哋下次旅行嘅導遊咁話，唔知佢哋兩個又點睇呢？