勁慘！曹永廉生蛇兼啫喱瘤復發

藝人曹永廉被蕭正楠爆生蛇，正忙於趕拍《包青天再起風雲》的他接受東網電話訪問時笑說：「依家都係好細條啫，事發到依家四、五日度，食咗藥，有少少腌住痛咁，都事發三日先去睇醫生，因為佢都生過蛇，影咗相畀佢睇話似先去睇醫生。阿蕭嗰條蛇都係冬眠啫，夏天好快就出返嚟！」曹永廉除了肚生蛇外，早前腳部亦曾接受啫喱瘤切除手術，他透露又再度復發：「好快又生返出嚟，可能係勞損，所以每一日都要自己篤穿佢，擠番啲啫喱出嚟，冇計啦，做手術要休息三、四日，因為套劇都幾趕，之後仲要返內地，咁冇法啦！（請假休息？）我冇冧廠，我呢啲老一輩演員唔敢冧廠！（太太照顧？）邊有得搞，呢啲要靠自己食藥。」

----------------------------

東網巨星開咗ig喇，大家快啲follow啦！