舞台車禍！黃子韜唱韓文歌離奇走晒音
20180225
東網電視
更多新聞短片
黃子韜上節目時大唱韓文歌。
內地近期嘅選秀節目愈嚟愈多，最近仲多咗個節目《這！就是街舞》，呢個節目未播出就已經有唔少火花，當中嘅兩位明星隊長內地小鮮肉黃子韜（Tao）同台灣藝人羅志祥（小豬）喺社交網站隔空鬥「靚女」，搞到唔少網民都話好想快啲睇到新節目。尋晚就係節目嘅首播，一班隊長要挑選心水嘅隊員去比賽，所以個個都好緊張，而Tao為咗放鬆心情，仲大開金口唱咗首韓文歌《Hot Times》。不過，一班網民聽到Tao唱出呢首歌後都忍唔住講咗句：「你確定你真的是黃子韜嗎？」到底發生咩事呢？
Tao話晒都係韓國男團EXO嘅前成員，唱韓文歌對佢嚟講可以話係毫無難度。佢一嚟就唱《Hot Times》嘅第二節主歌，初時都唱得好哋哋，點知唱唔夠兩句就即刻大走音，所以話想像永遠都係同現實相反…現場嘅參賽者聽到Tao走音之後都笑佢，搞到場面不知幾尷尬！不過出咗名轉數快嘅Tao即時話走音好正常，仲話：「你們跳舞需要熱身，唱歌熱也得熱、熱嗓子呀！我今天第一次唱，破音很正常，要理解。」
唔少粉絲聽到Tao走音都忍唔住笑話：「哥，你確定你真的是歌手嗎？」其實Tao都唔係第一次唱呢首歌，之前佢喺社交網站亦都上載過呢首歌嘅練習版，而且仲唱得好好添！Tao曾經透露呢首歌為佢留下咗美好嘅回憶，仲話因為呢一首歌先令佢想快啲企上舞台。相信呢一次嘅失誤都只係因為Tao太過緊張，一班粉絲應該都會理解嘅！
網民有話兒：
xx_mjxr： 哈哈～黃子韜還挺可愛，破音
DxxxxFANxx秀孝xx：Hot Times！看來tao tao真的很喜歡這一首歌。
Juxxx_L：哥，你確定你是歌手嗎？破成這樣…
阿x_neTax_ABPanxx：久違的韓語呀…我還以為他都忘了。
----------------------------
東網巨星開咗ig喇，大家快啲follow啦！