獨佔泳池大解放！李思欣芭堤雅食買玩
20180226
東網電視
更多新聞短片
好歎喎！
藝人李思欣與范振鋒是圈中出名的恩愛夫婦，忙工作之餘亦不時出埠鬆一鬆，早前就約埋朋友，一行18人到泰國芭堤雅歎世界！兩人品嘗超抵海鮮，又去夜市Shopping，思欣對於只在當地逗留兩天半大嘆可惜，講明下次要再去暢遊一番！
20萬呎連花園酒店
泰國地廣，連酒店的佔地面積都特別大！思欣今次與朋友豪租兩幢獨立式酒店，該處佔地達20萬平方呎，內有花園及私人泳池，在酒店內歎足一日都不覺得悶！難得有私人泳池，思欣亦不吝嗇晒身材，穿上泳衣暢泳一番！
蘭坡海鮮市場
蘭坡海鮮市場是當地有名的景點，不少人都慕名前來食海鮮。遊客買海鮮後，可以交由食肆代為烹調，價錢相當親民。思欣今次就選擇買食材回Villa自行烹調，她買了18人分量的蟹、瀨尿蝦、魷魚及螺等，埋單只需3,000港元，但多到食唔晒，要分兩日才食完！
信不信由你博物館
信不信由你博物館令思欣大開眼界，行足40分鐘才逛完！她在場內見識到世上最大的車胎、可以站立最多人的磅等，場內又有整蠱遊客的設施，思欣笑說：「有人教你點樣可以用舌尖掂到下巴，不過其實係整蠱你嘅，其他人可以喺另一面見到你點樣畀人整蠱！」
當地特色夜市
泰國本地夜市絕對是遊客必到之處，皆因可以買手信！思欣指夜市衫褲鞋襪一應俱全，可以買到生活必需品，而造型糖果及擺設等特色產品更是心水手信。夜市同時是遊客覓食開餐的好地方，要品嘗正宗泰國菜就萬勿錯過！
四方水上市場
思欣推介的必到景點，遊客付入場費後可以自由遊覽市場，亦可乘搭小艇欣賞湖景。岸邊建有不少木製小屋，供應當地美食，價錢實惠，加上分量少不會太飽，值得一試！場內更有大象及猴子表演，節目豐富。
----------------------------
東網巨星開咗ig喇，大家快啲follow啦！