燒着條裙!衛詩雅型爆用手將火撲熄

20180227
東網電視
更多新聞短片
衛詩雅話佢試過條裙唔小心畀蠟燭點着咗。

女星衛詩雅(Michelle)出席英皇電影《紅海行動》首映禮,表示一直渴望與該片導演林超賢合作,但卻苦無機會,更指早前接拍了一部動作片,當中要揸大型槍械,雖然如男仔般辛苦,亦有受傷,不過卻很喜歡,她謂:「我有一隻腳伸唔直,但睇番個造型好有型,所以好值得,希望可以經歷吓林導嘅作品,其實初入行時有去過林導一部作品嘅After Party,當時條裙唔小心畀蠟燭點着咗,啲火去到成個人咁高,陳家樂見到,就想拎起杯嘢淋落嚟,但佢嗰杯係酒,我即刻叫唔好,都覺得當時好冷靜,其實就好驚。」

最終Michelle卻二話不說用手把火撲熄,及後林導獲悉事件,還大讚她身手好,下一套作品會預她一份,惟至今承諾仍未有兌現,問到會否趁首映與林導重提?Michelle謂:「會同導演Say Hi先,我呢排有打槍Game同玩泰拳,平時形象太女仔,所以想多啲突破。(拍林導唔止受傷,可能要好似女主角蔣璐霞咁剪頭髮喎!)唔緊張,我剷青都冇所謂。」
--------------------
東網已全面支援360影片及相片,讓你全方位睇盡新聞大事,恍如置身現場,立即登入東網360網頁: http://on.cc/360/

如仍未更新東網App,請按此連結收睇360影片: https://goo.gl/4dAFBY