Baby 29歲生日!黃曉明人肉速遞飛巴黎

20180228
東網電視
更多新聞短片
喺巴黎過生日嘅Baby,有個廿四孝老公黃曉明人肉速遞到當地同佢慶祝!
女星Angelababy(Baby)近日撇低囝囝「小海綿」去咗巴黎睇時裝騷,而今日仲係佢29歲生日添!人在異地唔通要孤伶伶慶祝?錯喇!因為佢有個廿四孝老公黃曉明呀!
Baby好友大陸名人蘇芒喺微博上載照片,原來曉明人肉速遞飛到巴黎為老婆慶祝呀!相中見到Baby雙手合實許願,影大合照時曉明仲攬實老婆,真係Sweet到漏呀!
而Baby好姊妹楊冪喺凌晨零時喺微博晒出與Baby及大陸主持人張大大嘅合照,乘機催對方快啲再生多個添!佢留言:「今天是Angelababy的生日,在這裡(裏)讓我們一起祝福她:福如東海,壽比南山! [心]再生一個,生日快樂![蛋糕]乾杯吧朋友們,為了我們珍貴而美好的友情!」而早前喺Baby懷孕時接替對方拍大陸綜藝節目《奔跑吧》嘅迪麗熱巴,亦喺微博發文祝Baby愈嚟愈靚:「大美人Angelababy 生日快樂 越(愈)來越(愈)美[愛你]笑容常伴」愛人同閨密都咁錫自己,Baby真係好幸福呀!
----------------------------
東網巨星開咗ig喇,大家快啲follow啦!