林珊珊大女离职唔舍得　否认被森美闹走

电台节目主持人林珊珊大女西瓜（李澄）今日离职，主持完最后一期《早霸王》后向同事及DJ朋友派“散水饼”。接受访问时，她坦言感到不舍：“心情有少少紧张，呢份算系我第一份正职工作，做咗八年，今朝节目播完最后一首歌，都有啲忍唔住喊，真系会唔舍得。”

唔想“树大好遮荫”

问到新动向，她说：“会继续做主持同配音嘅工作，亦都会试吓去唔同平台发展。一月份同公司提出，当时公司都有同我商量，睇吓除咗咁样会唔会都有其他继续合作嘅方法，但系自己觉得既然决定要出去闯，就唔想再畀自己有‘树大好遮荫’嘅谂法。”

森美好难追得上

讲到曾有指西瓜在节目中常被森美狂闹，西瓜就否认这个讲法：“森美可以话系我恩师，如果唔系佢咁样喺节目度同我打闹，等啲观众可以记得我，令到我嘅形象可以出到，又时时提点我，教咗我好多！（唔系畀佢闹走？）当然唔系，如果咁讲就太唔感恩啦，森美系好难追得上嘅目标！（想好似佢咁试吓幕前？）我谂系好难，真系要好似佢咁有番咁上下味道先可以，要知道佢都经历咗好长时间同锻炼，先变到依家咁男子汉，佢真系好犀利，系好有行动力嘅人。今朝节目入面森美小仪都有同我farewell，迟啲会再约食饭。”

西瓜说家人都十分支持自己的决定，但就未有安排时间休息，会立即开始工作。