鴨店尋歡！薛凱琪見肌男剝衫嗌救命

藝人薛凱琪（Fiona）、陳意涵及張鈞甯於新片《閨蜜2之單挑越南黑幫》光顧越南鴨店，三人與一眾猛男狂歌起舞，玩得興奮。Fiona與導演黃真真疑「食過翻尋味」，回港後竟然又想玩吓！

Fiona與黃真真在香港「出動」，事前做足資料搜集同準備，還叫多兩個閨蜜出來一齊玩。二人上到去一推開房門已經見到兩名女士在等候，仲話：「乜咁遲㗎？」Fiona連忙解釋說：「哈哈，塞車、塞車。」她與黃真真甫坐下，兩名閨蜜已急不及待遞上手機：「嗌咗呢兩個來呀！」想不到薛凱琪神回：「其實太多肌肉我有啲驚……」

四個閨蜜把酒言歡不久，兩名洋漢已應召到場，更聞歌起舞兼除衫，滿身肌肉及有紋身。Fiona看得目瞪口呆之餘，半裸紋身洋漢一度在她上面郁動，嚇得她花容失色嗌「救命」！而黃真真則玩得十分投入，除了感受洋漢「震波」，雙手還在他身上游走。之後兩名洋漢更剝剩底褲，使出一招「摩打震籮」，Fiona與黃真真再次看得掩面尖叫，但又暗地偷笑。看着洋漢坐在黃真真身上移動，更在胸部有所動作，Fiona已去到只懂掩面而不懂畀反應的地步。兩名洋漢及後更在重要部位開香檳，結果薛凱琪嚇到落荒而逃，似乎香港玩意比越南亦有過之而無不及。