張達明劉玉翠讚鍾景輝：為學生解決困難
20180301
東網電視
更多新聞短片
劉玉翠、黃淑儀、張達明對於鍾景輝（圓圖）獲頒「終身成就獎」是實至名歸。
藝人張達明、黃淑儀及劉玉翠出席《第二十七屆香港舞台劇獎頒獎典禮》記者會，席間宣布張達明所寫的劇本《塵上不囂》有份入圍角逐「最佳劇本」，而「戲劇大師」鍾景輝（King Sir）獲頒終身成就獎。
原來張達明和劉玉翠都是King Sir的學生，二人對師傅十分敬畏，而黃淑儀笑言當時與King Sir接觸都是導演與演員的關係：「我仲叫佢做阿King，真係好大膽！」至於達明則表示King Sir為人好勤力、好嚴謹，仲好錫學生，更會為學生解決困難：「我都有接觸電影方面，好多人都話香港電影已經係尾期，但係台前幕後齊心，全球都會有人鍾意，呢樣嘢好重要。」
黃淑儀遺憾未能與盧頓鬥戲
談及入圍角逐「最佳劇本」獎，達明直言有信心，因為主題都有關面對生死，自己經歷過大病就更加有感覺，希望大家支持。問感覺係咪特別深？達明坦言對上一次自導自編已經係2008年嘅事：「其實嗰時自己對好多嘢都係未知，得到全部演員同大家嘅支持好緊要，自己做觀眾睇都非常感動！」由於劇中女主角蘇玉華亦有份角逐「最佳女主角（悲劇/正劇）」，這令他感到特別開心。
另外，黃淑儀表示好喜歡舞台劇，但最遺憾就係已故嘅盧敦（著名粵語片全能藝人，自編自導自演的和製片人）曾話過好希望同自己演舞台劇，不過依家已經再冇機會。
----------------------------
東網巨星開咗ig喇，大家快啲follow啦！