唔擔心發台瘟 「神秘人」爆祥仔勁有人情味

20180301
東網電視
更多新聞短片
個「神秘嘉賓」咁就係王祖藍囉!

演員米雪、關菊英、阮兆祥(祥仔)、曾偉明在尖沙咀出席大航假期15周年呈獻《秘密》記者會。席間大會請來「神秘嘉賓」大爆眾人的秘密,大會播出王祖藍的錄音大爆阮兆祥的秘密,王祖藍說:「祥仔好有『人情』味,三唔識七請佢飲佢都做好大份人情,我結婚佢畀嗰封仲大過啲富豪。」

米雪、關菊英、阮兆祥與曾偉明一齊接受訪問,阮兆祥表示:「拍《溏心風暴3》尾聲大家都好唔捨得,唔想再等七年先再合作,大家就傾偈咁講不如做舞台劇,咁我就試吓問啲老闆有冇人有興趣投資,點知就一拍即合。」阮兆祥指舞台劇暫時演出五場,若果反應好會再加開五場。

首次做舞台劇的關菊英說:「本來好緊張,我第一次做舞台劇,不過班底都係老友記,有佢哋睇住就一啲都唔驚,當拍電視劇咁做。」米雪剛做完另一套舞台刻,認為今次班底合作多年會有新火花。問到眾人可擔心發台瘟﹖曾偉明笑說:「有夏雨、阮兆祥呢啲爆肚高手,就算發台瘟佢哋都可以全部兜晒。」