唐文龍不滿年齡被公開:冇位畀黃文意上

20180302
東網電視
更多新聞短片
唐文龍強調沒有嬲過黃文意,更大讚她是宅男女神。
藝人唐文龍出席美容活動,保養得宜的他自言靠運動去Keep住體形,笑言當年窮困時也買一百元四塊的平價面膜護膚。
被問身體Keep得咁Fit是否更容易吸引妹妹仔?他笑笑口回答:「OK啦,我都仲未結婚,所以都仲要Keep好啲,做演員要Keep好啲自己,個樣好啲先有多啲籌碼。」
最近與黃文意傳緋聞的唐文龍,有指25歲的黃文意利用緋聞搏上位。強調是單身的唐文龍斷言:「我哋係冇喺埋一齊過,呢段時間啲報道都為佢製造咗好多不必要嘅壓力。佢唔使借任何人宣傳、上位,我亦都冇位可以畀佢上,佢本身都係宅男女神,又係大學生,好有智慧,唔使借任何人上位,希望大家放過佢。(有冇發展機會?)冇,我唔係唔鍾意佢,唔好搞到我憎佢咁,唔係女性朋友就要發展,唔係有好多發展,自己想專注事業。(將來接唔接受到同妹妹仔拍拖?)到時先算,睇緣分。」48歲的唐文龍對於近日的報道笑言最「嬲嬲豬」是年齡被公開,被朋友取笑。
----------------------------
東網巨星開咗ig喇,大家快啲follow啦!